Category Archives: ლეღვერას ეფექტი

Make Your Choice!

Make Your Choice

ბრეიქდანსში არსებობს სხვადასხვა ცეკვის სტილი და მოძრაობა, და ასევე, არსებობს რამდენიმე ბრეიქდანსის მონათესავე ცეკვის სტილი. ბრეიქდანსი  სულ რაღაც 40-ოდე წლის წინ შეიქმნა ამერიკის შეერთებულ შტატებში (1970-იან წლებში) და ჯერ კიდევ ყალიბდება მისი ახალი მიმდინარეობები და მოძრაობები. მკაფიოდ ჩამოყალიბებული მიმდინარეობების გამოყოფა ძნელია. ყველა ბრეიქდანსის მოცეკვავეს აქვს საკუთარი უნიკალური სტილი, თუმცა მათი ძირითადი ნაწილის გაერთიანება შეიძლება ორ ფართო მიმდინარეობაში.

downrock style vs. power style (style-heads vs. power-heads)

ბრეიქდანსში ძირითადად ორი სტილი გამოიყოფა. პირველი სტილზე აკეთებს ხაზგასმას და თავისი უნარით, ზუსტად აყვეს მუსიკის რიტმს, ცდილობს აღფრთოვანება გამოიწვიოს მაყურებლებში. მეორე კი უფრო მეტად აკრობატულ ილეთებს გულისხმობს და ფიზიკურ მომზადებაზე დამოკიდებული შთამბეჭდავი მოძრაობებით ცდილობს სხვებისგან გამორჩევას.

Continue reading

Some Sick Move Tutorials

რამდენიმე ვიდეოგაკვეთილი არადამწყები ბრეიქდანსერებისთვის. ამ პოსტში მოცემულია შემდეგი მოძრაობების ტუტორიალები : Buddha Spins, Head Slide, Hand Hops, Halo, Back Spin to Head Spin. ზოგიერთი მათგანი ძლიერ ფიზიკურ წვრთნას მოითხოვს, ზოგი კი დიდი ხნის განმავლობაში ვარჯიშს. ამიტომ დამწყებებისთვის არ არის რეკომენდირებული. მაგალითად, ჩემი ფავორიტი მოძრაობა Halo მოითხოვს Windmill-ის და Air Chair-s ცოდნას და მათ სწავლამდე შეუძლებელია პირდაპირ ჰალოთი დაწყება.

Buddha Spins – საჭიროებს ფიზიკურ წვრთნას სანამ ამ მოძრაობაზე ვარჯიშს დავიწყებთ. ვიდეოში ნაჩვვენებია თუ რა სახის ვარჯიში სჭირდება ამ მოძრაობის ათვისებას. მას შემდეგ რაც ხელები საკმარისად გაგვიძლიერდება, ამ მოძრაობის სრულყოფილად გაკეთებამდე ერთი ნაბიჯია

Continue reading

Breakdance Tutorials

ცოტა ხნის წინ აღმოვაჩინე საინტერესო და გამოსადეგი საიტი ბრეიქდანსის მოყვარულებისთვის და არა მარტო. ამ საიტზე შესაძლებელია როგორც ზოგადად ბრეიქდანსის შესახებ საინტერესო და სხვა წყაროებში არარსებული ინფორმაციის გაგება, ასევე ვიდეოგაკვეთილების ნახვა ყველა დონის მოცეკვავისთვის (დამწყები, საშუალო თუ პროფესიონალურ დონეზე მოცეკვავე).

საინტერესოა, რომ ბრეიქდანსი საკმაოდ ახლოსაა ბრაზილიურ საბრძოლო ხელოვნება კაპოეირასთან, რომელიც მე-17 საუკუნეში გაჩნდა. ბრეიქდანსი დღევანდელი სახით პირველად 1970-იან წლებში გამოჩნდა, როცა ამერიკაში დაპირისპირებულმა ბანდებმა უთანხმოების გადაჭრა ცეკვით გადაწყვიტეს იარაღების ნაცვლად.
მას შემდეგ ჰიპ-ჰოპის და ბრეიქდანსის კულტურამ პარალელურად განაგრძეს ჩამოყალიბება და 80-90-იან წლებში უკვე მსოფლიო მასშტაბის პოპულარობას მიაღწიეს.

ვიდეოგაკვეთილებს თან მოყვება მოკლე აღწერაც. მოძრაობების რაოდენობა არც ისე დიდია, მაგრამ დასაწყისისთვის საკმარისი.

საიტი:
http://breakdancetutorials.org/

ექსტრემ კვირეული გაუქმდა

No Breakdance

თბილისის 2011 წლის ექტრემ კვირეული გაუქმდა მერიიდან დაფინანსების შეწყვეტის გამო

შეიძლება სექტემბერში განახლდეს

…ან არ განახლდეს

ტკბილ სიზმრებს გისურვებთ

Tbilisi eXtreme week 2011

EDIT

2011 წლის ექსტრემ კვირეულიც მოახლოვდა!
25-ივნისიდან 2-ივლისის ჩათვლით გაიმართება შეჯიბრებები ექსტრემალური სპორტის სხვადასხვა სახეობაში
ორგანიზატორი არის კვლავ Adrenaline.ge
კვირეული იწყება პარკური/ბრეიქდანსით, რომელმაც ამჯერად “ზედ” რუსთაველზე გადაინაცვლა. ასე უფრო მეტი მაყურებელიც ნახავს და უფრო საინტერესოც იქნება სავარაუდოდ.
ვნახოთ როგორ ჩაივლის eXtreme week 2011, მე ძაან მაინტერესებს 🙂

 

——–
btw
ვადებმა ერთი კვირით გადაიწია:

2 ივლისი – 19:00 -Parkour / break dance-რუსთაველის გამზირი (პარლამენტის წინ)
3 ივლისი – 10:00 – Off Road – დიდი დიღომი
4 ივლისი – 18:00 – Rock Climbing- აბანოთუბანი (მეტეხის კლდე)
5 ივლისი – 17:00- Skate / Roller / BMX / graffiti – დედაენის სკვერი (Skatepark)
6 ივლისი – 17:00- Motto Cross -მეიდანი
7ივლისი – 18:00 – Drift King –
8 ივლისი – 17:00 – DownTown- მეიდანი
9 ივლისი – 19:00 – Ski / Snowboard Freestyle contest- კუს ტბა

 

დამატებითი ინფორმაცია:
www.adrenaline.ge
(საიტი მალე გაიხსნება, როგორც გვპირდებან)

All Stars in Georgia 2

გარკვეული და, რა თქმა უნდა, გაურკვეველი მიზეზების გამოც აქამდე არ გამომიქვეყნებია ლილუსა და ჩიკოს თბილისში 3 დღიანი ვიზიტის შედეგები, მაგრამ სჯობს გვიან, ვიდრე უფრო გვიან…
მოკლედ, ბევრი რომ არ დავაყოვნო შემოლაგდით მონიტორის ირგვლივ, მოიმარჯვეთ პოპკორნი და დატკბით.

როგორც წინა პოსტში ვთქვი, ლილუ და ჩიკო საქართველოში ჩამოვიდნენ 16 აპრილს. პირველ დღეს ისინი იყვნენ Night Office-ში და მოაწყვეს პატარა შეჯიბრება.
ამ ვიდეოში შეგიძლიათ ნახოთ, როგორ იგიჟებს თავს ლილუ. რას იზამ, პროფია.

კი, გეთანხმებით ამის ლაივში ნახვა მართლა სიგიჟეა.

მეორე დღეს, 17 აპრილს ლილუ და ჩიკო იყვნენ მზიურის პარკში, სადაც გაიმართა კავკასიის ჩემპიონატი ბრეიქდანსში. ლილუ და ჩიკო, გაგიკვირდებათ და, იყვნენ ჟიურიში და აფასებდნენ მონაწილეებს. საქართველოს, სომხეთის და აზერბაიჯანის წარმომადგენლები წელებზე ფეხს იდგამდნენ (პირდაპირი მნიშვნელობით რა თქმა უნდა), რომ გაემარჯვათ ჩემპიონატში. გამარჯვებული მონაწილეობას მიიღებს რედ ბულის მსოფლიო ჩემპიონატის შესარჩევ ტურში! დიაღ, სწორედ Red Bull BC One 2011-ის შესარჩევში.

ბევრი რომ არ ვილაპარაკო, ჩართეთ და უყურეთ ჩემპიონატის მსვლელობას:

Caucasus Championship

ფინალში ერთმანეთს შეხვდნენ საქართველოსა და აზერბაიჯანის წარმომადგენლები: B-boy Small (Pioner) vs. B-boy Killa’ Jazz.
ესეც გადამწყვეტი ბრძოლა:

Final

დაა გამარჯვებული გახდა B-boy Killa’ Jazz (Bigga Boo Crew)! ჟიურის გადაწყვეტილებით მოიგო აზერბაიჯანელმა Killa’ Jazz-მა, იმედია მომავალში უკეთ გამოვალთ და საგზურსაც ჩვენ მოვიპოვებთ.

მესამე დღეს, 19-ში ლილუმ და ჩიკომ ჩაატარეს მასტერკლასები ბრეიქდანსში. ისინი იყვნენ თბილისის სახელმწიფო უნივერსიტეტის X კორპუსის (a.k.a. მაღლივი) სავარჯიშო დარბაზში, სადაც ნებისმიერ მსურველს შეეძლო მონაწილეობა მიეღო გაკვეთილებში მსოფლიო ვარსკვლავებისგან. მსურველებმაც არ დააყოვნეს და ლილუმ და ჩიკომ დამწყებ ბრეიქერებს ასწავლეს სწორი ვარჯიში/მომზადება და რამდენიმე საბაზისო ილეთი. ასევე, აუხსნეს საინტერესო მოძრაობები გამოცდილ ბრეიქერებს და მათთან ერთად ივარჯიშეს.
ბოლოს შეიკრა წრე და სათითაოდ იცეკვეს ბრეიქერებმა, დამწყებებმა იმ დღეს ნასწავლი მოძრაობები, გამოცდილებმა …რაც იცოდნენ და ასევე ლილუმ და ჩიკომაც მოახდინეს შესაძლებლობების დემონსტრაცია. ასეთი სანახაობის ყურება არა ეკრანიდან, არამედ ერთი მეტრის დისტანციაზე (უფრო ახლოდანაც შეიძლებოდა საკუთარი ჯანმრთელობის საფრთხეში ჩაგდების ხარჯზე) მართლა შთამბეჭდავი იყო. ასეთ რამეს ხშირად ვერ ნახავ, მასტერკლასზე ნებისმიერ მსურველს შეეძლო მათთან ურთიერთობა, კითხვების დასმა თუ მათთან ერთად სურათის გადაღება. ურთიერთობა ძირითადად ხდებოდა მიმიკებით ენობრივი ბარიერის გამო XD
ბოლოს სურათები გადაიღეს, ლილუმ და ჩიკომ ინტერვიუ მისცეს, დაგვპირდნენ რომ ისევ ჩამოვიდოდნენ და …well, დავიშალეთ.

Masterclass

ლილუმ აღნიშნა რომ ქართული საცეკვაო ნომრის ნახვამ ხანჯლებით მასზე დიდი შთაბეჭდილება მოახდინა და აღფრთოვანებული იყო ამ ხელოვნებით

…თუმცა ეს ყველაფერი არაა. როგორც ვხვდები, მასტერკლასის მერე ლილუ და ჩიკო სანამ აეროპორტში გაემგზავრებოდნენ, ერთ ადგილას შეჩერდნენ. სავარაუდოდ ლილუს დაბადების დღე იყო და აღსანიშნავად Bigga Boo Crew-სთან და რამდენიმე ქართველთან ერთად ისინი წავიდნენ აღსანიშნავად, რაც ვიდეოზეც გადაიღეს:

All Stars In Georgia!

RED BULL BC ONE ALL STARS საქართველოშია!

16-17 აპრილს Red Bull BC One All Stars-ის წევრები თბილისს ესტუმრებიან. All Stars შედგება 7 ბრეიქერისგან: Hong 10, Taisuke, Lilou, Pelezinho, Ronnie, Roxrite, Cico. ისინი მოგზაურობენ მთელი მსოფლიოს მასშტაბით და უზიარებენ თავიანთ გამოცდილებას და ცოდნას მსოფლიოს ყველა კუთხეში. ისინი ავრცელებენ ბრეიქდანსისა და ჰიპ-ჰოპის კულტურას და ხელს უწყობენ მის განვითარებას.
16 აპრილს კი ორი მათგანი – ლილუ და ჩიკო ჩამოვლენ თბილისში და ადგილობრივი შემსრულებლებისთვის ალტერნატიულ გაკვეთილებს ჩაატარებენ.

იტალიელი (Cico) წარმოადგენს powermove-ის სკოლას. ძლიერია ძალისმიერ მოძრაობებში, არის არაერთი პრიზის მფლობელი და რამდენიმე ჩემპიონატში ჟიურის წევრი.
ლილუ (Lilou) ალჟირული წარმოშობის ფრანგი ბი-ბოია, ერთადერთი Red Bull BC One-ის ორგზის ჩემპიონი. უნიკალური სტილის მოცეკვავე. ასევე არაერთგზის პრიზიორი (როგორც All Star-ის ყველა წევრი), უმრავლეს ძირითად ჩემპიონატზე ჟიურის განუყოფელი წევრი.

16 აპრილს ჩიკო და ლილუ წარმოდგენას გამართავენ კლუბში Night + , 17 აპრილს კი ალტერნატიულ გაკვეთილებს ჩაატარებენ ადგილობრივი ბი-ბოებისთვის (თეატრი ათონელზე, ხოლო 18 აპრილს თბილისის სახელმწიფო უნივერსიტეტში). პროგრამაშია ასევე კავკასიის ბი-ბოი შეჯიბრზე დასწრება ჟიურის სახით (მზიურის პარკში).
17 აპრილს მზიურის პარკში შეხვედრა დაგეგმილია 18:00 საათზე. დასწრება თავისუფალია.

18 აპრილს თბილისის სახელმწიფო უნივერსიტეტის მეათე კორპუსში (a.k.a. მაღლივი), სავარჯიშო დარბაზში გაიმართება შეხვედრა 12:00-ზე. ნებისმიერ მსურველს შეუძლია მოვიდეს და ნახოს მსოფლიოს საუკეთესო ბრეიქერების ცეკვა. ასეთი შანსი შეიძლება მეორედ არ მოგეცეთ!